CUIDADO PATROM: PRECÁRI@S ORGANIZADOS E REBELDES

O 23 de Março do 2006 inaugurava-se a Assembleia de Precári@s de Compostela meiante umha acçom contra da situaçom à que condena aos/às trabalhadores/as o Restaurante Central, situado na rua da Rainha. Como jeito de inauguraçom e de protesto, celebrou-se umha ceia e, antes de rematar o menú erguimo-nos das mesas com as máscaras postas na cara, berrando NOM À PRECARIEDADE. Tras informar à gente que ali se atopava das causas da protesta, marchavamos sem pagar.


QUEM SOMOS?


A assembleia de precári@s de Compostela nasce desde a inquietude dum grupo de pessoas críticas com a actual situaçom laboral e com a intençom de luitar desde a base contra o crescente problema social da precariedade que atinge a tudos os planos da nossa vida, dende o trabalho até o lazer.

O fim desta assembleia é sacar o tema à rúa e também que a sociedade denuncie este sistema de exploraçom. Denunciando às grandes empresa, às patronais e os sindicatos “amáveis” e colaboradores. Estes últimos já nom som uteis já que formam parte do sistema junto com os seus colaboradores políticos e com os seus compadreos para “ideias” tam brilhantes como as E.T.T.s. Perante a impotência dumha sociedade que sinte que nom há formas de intervençom proveitosas, esta é umha denuncia aberta e sem titubeios. A forma da nossa denúncia serám acçons de desobediência.

Denunciaremos:

- O escravismo empresarial com os seus nomes e apelidos e também a legislaçom que ampara as súas actividades exploradoras.

- O sector serviços, nomeadamente o turismo, como fábrica de precariedade que tanto afecta a esta comarca.

- A cumplicidade e o silenciamento mediático. @s precári@s nom tenhem organizaçons que os representem!

- O lazer consumista que nos fai participar do sistema que precisamente é o que nos oprime.

Também queremos fazer um chamamento a todas as pessoas a tomar como seu esta luita que quer ser expansível a tuda a mocidade em potencia de precariedade bem seja ejercendo umha actividade acadêmica, laboral ou as mesmas a um tempo; e a toda a classe trabalhadora em geral.


CONTRA AS E.T.T.S E A LEGISLAÇOM QUE AS AMPARA!!
CONTRA O SISTEMA DE TORTURA LABORAL!!
ADIANTE A AUTO-ORGANIZAÇOM D@S PRECÁRI@S!!